Sa tigbabayong hapon,
Halawig an dalan sa harong…
Namit an alsom nin aldaw na suha
Na nagbababa,
Nagtataram:
Paaram mga padaba,
Igwang panahon na makaluya mamoot.
An mga bayong sa rambong nin mga sangang pig-aabot an langitnon igwang kansyon,
Saindang mga nota arog nin paros, matarom sa daghan:
Magayunon kun sa bangui ako magadan,
Muya ko man na misteryo an sakong pagpaaram.
Sa awot naghigda nagkaturog,
Sakong pangadyi sa pagpiyong:
Pagkamoot dai na nguna,
Sagkod an sakong puso dai pa daramlagon.
Paaram mga padaba,
Igwang panahon na makaluya mamoot.
An mga bayong sa rambong nin mga sangang pig-aabot an langitnon igwang kansyon,
Saindang mga nota arog nin paros, matarom sa daghan:
Magayunon kun sa bangui ako magadan,
Muya ko man na misteryo an sakong pagpaaram.
Sa awot naghigda nagkaturog,
Sakong pangadyi sa pagpiyong:
Pagkamoot dai na nguna,
Sagkod an sakong puso dai pa daramlagon.
No comments:
Post a Comment