Pamahaw: Sinanlag sa bawang, batag, mamisong tsokolate, sarong basong Milo,
Mahamantra nagkakanta sa cassette deck nin sakong boombox,
Si Marcus Garvey nasa isip ko buda si Charles Darwin…
Kun kaipuhang mahiling nin mga egoy na an dios itom arog nin paghiling ni Garvey,
Dapat mahiling man ni Darwin an dios niya sarong bakulaw.
Ako… an sakong dios punk:
Igwang studs, naka-DMs, stick-up, igwang asong nagluluwas saiyang ngimot,
Nakapalibot sa Iya an igwang mga pakpak na sina
Johnny Rotten, Sid Vicious, Joey Ramone,
Buda an mga barkada kong Mohawk na tambay sa Tandem, Recto.
Hmmm… kan nakaaging aldaw nin siyudad nin pagkamoot ‘08,
Tahaw sa kaugmahan an Mutya nin Tabakla,
Si Mayores, sisay kaya an dios ni Mayores?
No comments:
Post a Comment