An mga bisikleta
Luway-
Luway
An dalagan
Sa saud.
An mga nagsisigid nin tinampo,
Tuninong sa liwanag mo na nagsasakat.
An mga nagpapabakal ki suman, ibos, puto sa saud,
maugmang naghahalat.
An mga nagimata sa naglaog
Mo na bangraw saindang kwarto,
Ugma mamamatean saindang mga mata…
Dai ka maghidali sa pagbuhat
Ta ika an katuninungan
Nin samong hinangos.
Ta oro-atyan,
Kami mahampang gilayon
Sa mga naturalmente
Na gibo-gibo
Digdi sa daga.
No comments:
Post a Comment