Kun pagal na an gabos na mga makina,
lana sa labi
an mahiling ka,
mapulot an pagmaan kong
dilang nagbabayle sa parong
nin saimong gasolinang
dagta nin mga prutas,
namit nin bulan,
hamot nin mga bitoon,
ugaring pagal na an gabos na mga makina,
nagbabaratak an takla sakuyang tulang,
may aso sakuyang dugo,
pighihinang an paros.
An tingog nin TV,
nin orasan,
punembreng Chopin.
Makakasabot an tamong,
an ulunan, kutson,
ugaring pagal na an gabos na mga makina,
mara akong salog,
pahaunon
sa dai mabukasang serbesa.
No comments:
Post a Comment