29,

29

Na palan ako

Kasuhapon,

 

Dai ko namalisyahan

Ta dakulon an handa,

An mga nakarumdom.

 

Pig-iwasan ko

An nagruruluwasang mga hapot,

Makaskas sinda,

Nasukol ninda ako sa bangui

Paghali nin mga mauugmang anino.

 

Kagadanan,

Yaon na ako,

Maugma,

Ta dai akong magiginibo,

Kaipuhang rumdumon oro-aldaw

An nagraraning pagkautsan.

 

Maugma sa pagkaaram sa katotoohan.

 

29,

Garo balisong,

Kurab sa halunan

Sa mga masunod na numero.