kun kataning ta an satong kadagit sa bangui

Photograph by Romalyn D. Casia

Taken at Magallanes, Sorsogon

link -- correction

Sa Bisita

Tukawi,

Ipagtitimpla taka,

Tsaa, kape… T.V?

Igwang mga magazines diyan,

Mga libro duman,

Wara kaming photo album

Ki mga recent ming ladawan

Ta gabos digital,

Muya mo ba ki ibos?

Igwa pa na pinuso digdi,

Kamusta palan?

An Salampati

Pigpalayog kita salampati

Dai ko aram kun ika mabalik,

Duwang bulan ka man garo nag-istar sa ginibo ming harong

Para sa imo,

Aram mo na pigpadaba mi ika na garo tugang.

 

Sa duwang bulan

Matapos kang magduman samong higod, igwang lugad,

Dakul akong naukudan,

Saimong mata na warang emosyon hilingon an hukol.

Aram ko, naaraman ko na an ugma

Mamamatean sa tunay tang harong,

Nabisto ko an saro pang kolor nin pagpadaba.

 

Sa higod ngunyan pag ako nagduduman,

Nahihiling ko an saimong hawla,

Wara ka,

Pero sa pagtangad ko sa langitnon,

Sa paghiling ko sa mga nag-aaraging bayong,

Nahihiling taka,

Nadadangog,

Dai kaipuhanan na ako maglayog tanganing ika makaibahan.